वार्ता:बेमेतरा

बेमेतरा का हरय 29/01/2023[संपादित करें]

नवीनतम टिप्पणी: 1 वर्ष पहले1 comment1 person in discussion

बेमेतरा का हरय ?

माँ भद्रकाली के पावन भूइंयाँ , बेमेतरा कहाए हे । चंडी अउ सिद्धि के किरपा, जग म अंजोर बगराए हे । चेटुवा धाम म मेला लगे हे, गुरु घासीदास आश पूराए हे । साजा नवागढ़ बेरला भिंभौरी, थानखम्हरिया जिहाँ समाए हे ।

शिवनाथ के पानी सुग्घर, सिवाँर घाट म बोहाए हे । बेरला,कंडरका अउ ढाबा खुड़मुड़ी म, खारून नंदियाँ पाँव लमाये हे । चना जिहाँ के जऊंहर हावय, एशिया भर ममहाए हे ।

सुरेन्द्र दुबे,अजित शर्मा अउ वैभव, जिहाँ ले धरहा कलम उठाए हे । छत्तीसगढ़ी भाखा खातिर, ईश्वर जी आरुग अलख जगाए हे। पंडवाणी सुनव सब शांति के, वो पिरदा ले राग लमाए हे ।

अउ शब्दभेदी भर कोदू राम, जग म नाम कमाए हे । जम्मों किसम के कला जिहाँ ले, लोगन मन ल भाए हे । अउ कतको हाबय सतकर्मी, जेन भूइंयाँ के मान बढ़ाए हे।

फ़ौजी जिहाँ ले जागत हाबय, सबदिन रक्षा बर अगुवाए हे । रिंकी पांडेय के बुता देखव सब, निर्धन घर ज्ञान बगराए हे । माँ भद्रकाली के पावन भूइंयाँ , बेमेतरा कहाए हे ।